MIRROR第四場紅館演唱會發生嚴重事故，舞蹈員李啟言（阿Mo）仍喺深切治療部接受治療。意外發生多日，演唱會監製林浩源（Fran9）日前出聲明致歉、鏡仔們陸續出PO保平安，去到今日經理人花姐（黃慧君）亦終於出PO。不過喺8月2日梁思浩喺主持網台節目《大家「真」瘋騷》 時，開腔鬧爆花姐。
主持人梁思浩、李思蓓和Mandy喺網台節目《大家「真」瘋騷》談及MIRROR演唱會事故，三人分別先後講述睇完事故片段嘅感受。梁思浩大讚為事件發聲嘅名人係英雄，佢哋分別係王貽興、汪明荃（Liza姐）及郭富城：「你知啦，有啲人就會避而不談，尤其是圈中人，Karhu Shoes 有時我覺得好多圈中人為咗搵食，點解盡量唔談論呢？費事得失人。」另外，梁思浩亦大讚連登仔敢於發聲，因為事件發生咁耐都冇人出嚟承擔。
梁思浩指自己做過演唱會監製，所以權就事件發言：「我真係做過演唱會監製，第一，所有錢銀、所有嘅嘢呢都係由你控制嘅，即係話個演唱會賣晒飛㗎啦，即係話已經賺硬咗錢㗎啦，你條數已經返咗嚟㗎啦，你加幾多嘢落去你唔係蝕住做呀嘛，你係賺住做呀嘛，但你賺住做你仲喺度慳。」 有傳MIRROR演唱會最後一日綵排係喺排舞室進行，而梁思浩就話：「總綵排就係計晒時間，試晒機關，試晒所有嘅衫褲鞋襪，所有嘅嘢試晒，但係佢哋竟然第一場係未full dress rehearsal完成就已經要表演，呢樣嘢對表演者同埋舞蹈者係好唔合理㗎，好唔合理㗎！」之後，李思蓓就話︰「我哋喺TVB，台慶都會咁rehearsal啦，我哋東華都會咁樣rehearsal啦。」
之後，梁思浩指責冇人出嚟承擔：「喺呢個危難中，有人會選擇沉默，又或者逃避。甚至我成日都話如果你要做一個監製，你要做一個經理人，你哋搵緊錢㗎嘛，你哋點解唔肯有膊頭企出嚟，你要班細路仔去面對呢？嗰12個細路仔好慘㗎喎，去面對。所以你話今次係咪要人出嚟交代呢？都咁多日啦。」梁思浩再鬧爆花姐不負責任話：我夠膽講一樣嘢，我都係俾人哋轟㗎喇，我一噏個名就俾人哋轟㗎喇，但係我唔怕嘅，我從來覺得係有嗰句講嗰句，你係一個監製，甚至你係一個經理人，如果你rehearsal睇到有危險，你需唔需要保護你啲藝人先？…所以我話畀你聽有一個人，我覺得成件事係難辭其咎㗎下，嗰個就係阿花啦！阿花，喂老老實實啦阿花，如果你係呢12個細路仔嘅經理人，你有睇rehearsal㗎嘛！你有去睇㗎！如果你話俾我聽你冇睇，仲衰！」
梁思浩再話：「同埋你當時你係一個經理人，Propet Shoes 又或者係監製，你覺得有危險，係咪要出聲先？因為所有幕後嘅人已經開始講，其實rehearsal已經有危險㗎啦，rehearsal有危險，你唔係新人嚟嘛，你做得監製，你錢就袋落袋，責任唔使你孭呀？呢個世界冇咁唔使找錢嘅午餐㗎吓！」
最後李思蓓總結話：「大家知道呢12個小朋友係可以幫公司賺好多錢，但係麻煩你哋都要認清楚，佢哋都係人嚟，唔好物化佢成為一個生財工具，呢啲小朋友係人嚟㗎。」
節目播出後，唔少網民都紛紛留言支持梁思浩敢言發聲及大讚主持人講得好好，例如「村長講得啱！嗰隻花姐好難冇責任」、「今次思浩同其他主持講得好好。講人話！」及「終於有人講出真心話了」等等。同時亦有網民認為梁思浩分析唔持平：「今次村長分析令我好失望、不持平、只攻擊花姐一人！花姐係有責任、但一定比主辦單位、制作公司、工程公司及政府應付的責任小好多囉⋯⋯仲有、花姐係幾年前已講咗佢冇經理人佣收入的。 以前我會比錢聽村長、但轉咗you tube 後已不想聽了、因嗰2個女主持真的好白癡、講嘢又冇point⋯」及「153派你嚟嘅？」等等。