論獎項論票房，樂壇人物傳奇電影都係近年荷里活大熱之選。《波希米亞狂想曲》同《搖滾太空人》都大收旺場，《波》演Queen靈魂人物Freddy Mercury嘅Remi Malek憑電影拎埋影帝，唔少片商同大星都希望複製成功方程式。
早前落實開拍樂壇跨世代天后Madonna嘅傳記片，已經進入選角階段。根據外媒報導，候選女星包括主演劇集Ozark嘅28歲女星Julia Garner、Hey Dude Women’s Shoes 憑《小婦人》入圍奧斯卡最佳女配角嘅Florence Pugh，以及一班音樂劇界、獨立短片界及新晉演員爭住做娜姐。
以往電影選角可能會係試對白兼傾吓偈，但係要演能歌善舞兼天后氣場強勁嘅Madonna，選角決定電影成敗，據業界人士爆料，今次選角過程數以月計！當中包括同Madonna排舞師一齊上跳舞堂，而娜姐本尊都會參與其中，同候選女演員一齊跳舞、圍讀劇本同唱歌。知情人士話，是但一瓣做唔好，唔駛旨意演娜姐！即使「中獎」，估計都要再接受幾個月特訓。
咁多要求，因為Madonna會係呢套戲嘅編劇及導演，Vans Shoes For Womens 明晒！娜姐上年喺名嘴Jimmy Fallon嘅節目提到，咁落手落腳參與套戲，因為過去無數人想拍佢嘅故事，但統統都係男人。於是娜姐搵咗唔少圈中才女埋班，包括《Juno少女孕記》金像編劇Diablo Cody一齊寫劇本。
講到咁實牙實齒，但係原來片商環球仲未正式落實開拍。不過以娜姐個名同經歷，大把人想睇，大把女星想做，爆硬！