剛離開無綫兩個月的藝人陳約臨，近日為香港開電視到日本拍攝全新旅遊節目《重新出發》，惟當地疫情嚴峻，她與同行的幕後工作人員全員確診！
藝人陳約臨今年5月與無綫結束5年賓主關係，離巢後首個工作就是為香港開電視拍攝旅遊節目《重新出發》，與張沛樂、陳芷尤及劉芷希等多位宅男女神，分別前往日本、泰國、新加坡、馬來西亞、台灣、澳洲及韓國等地拍攝，昨日有消息爆出身在日本大阪的陳約臨與同行3名攝製隊人員不幸確診新冠肺炎。
陳約臨拍攝的日本篇分為東京及大阪兩部分，定於9月12日及19日推出，據知她與攝製人員在大阪拍攝時相繼確診，隨即在酒店進行隔離，目前其快測結果顯示未有染疫，相信已康復，今日出關進行未完成的拍攝工作。
老公同病相憐
她昨日接受本報訪問時說：「我哋停咗超過一個禮拜，依家全部人好番晒，大家都有抗體，聽日會去京都拍攝。本身我以為唔會中，因為打晒針，點知遇正日本全年最高單日確診嘅日子，我都唔知喺邊度感染。大家本身日日都有做快測，所以先可以咁快知出事。真係好辛苦，喉嚨痛到被刀割咁，所有病徵都有齊，依家終於有番味覺！」續指老公日前到日本沖繩後亦告染疫。
節目監製張志明亦有回覆本報，稱最緊要是各人無恙：「我哋拍咗7集，依家搵人返香港剪片先。佢哋喺酒店隔離7日，之後去做核酸檢測，7日後冇事出關，就會拍番其餘集數趕節目出街。（有冇超支？）Over酒店錢啫，唔係好多，都係差7至10日先返到香港，再睇埋機票可以幾時返到嚟。」
