藝人李芷晴於節目《請1日假去旅行》中，化身攝影師幫何沛珈影靚相，卻被嫌棄攝影功力，場面搞笑。一行人到泰國曼谷拍攝，兩女孖住晒玉背歎特色水果味精油Spa，期間瘋狂鬥嘴，李芷晴笑指對方的背脊捽出萬年老泥！
節目尾聲，她們換上泳裝互訴心聲，感觸至紅了眼眶，何沛珈哽咽：「我哋由《香港小姐再競選》……我都入咗行兩年，未試過同一個女仔咁Close。」聽到眼濕濕的李芷晴則說：「可能大家好大壓力，都覺得競爭對手喎，點做朋友呀？有時我都諗你會唔會唔鍾意我呢？」因是次行程成為好友的她們，日前在網上開Live與網民互動，何沛珈更大爆2人會「肉帛相見」，果然老友。