選港姐入行的劉溫馨一直保持弗爆身形，但去年因種種問題致壓力爆煲，更患上暴食症，體重暴升近30磅！她在日本居住的母親專程返港照顧，助她逐漸痊愈。為了收復失地踢走巨躉肥腩，她近日積極狂操，被拍到喪跑減肥。
入行9年的劉溫馨最近在無綫重頭劇《白色強人II》飾演電視台高層「張庭」，與兩大視帝對手戲連場，既與郭晉安針鋒相對，又與陳豪發生一夜情。選港姐入行的她一直保持苗條身材，去年在劇集《愛美麗狂想曲》播出後更被網民視為性感女神，其社交平台有不少性感照片，但沒料到她原來患上暴食症半年，體重一度暴升近30磅，變成150磅的「肥美人」！
現已康復的她，身形仍未回復最佳狀態，所以近期一有時間就做運動減磅。早前她被拍得於中午時分在海濱跑步，烈日當空下仍穿風褸焗汗。而日前她到紅磡一間健身室做Gym後意猶未盡，再穿風褸及貼身運動褲在紅磡碼頭一帶慢跑，加強運動消脂效果。
飽到食唔落先停
劉溫馨患上暴食症，事緣去年初拍攝《白色強人II》時用上不健康的極端減肥方法，加上她到深圳拍劇後，趁機去北京照顧患有柏金遜病的公公，回港後一直擔心公公的病情，期間又錯過演出機會，承受雙重打擊。當時心中充滿焦慮的她直言失控，瘋狂進食：「完全控制唔到自己，好想食碳水化合物、甜品，但係以前係唔食甜嘢。同朋友出去食飯，個個都飽到停晒手，我仲喺度食，直至清晒成張枱，但係返到屋企仲繼續食，真係飽到上頸，食唔落先停口。」
