近期於內地竄紅的「聲夢人氣王」炎明熹，今晚於《香港金曲頒獎典禮2021/2022》強勢登場，貴為新人獎大熱的她，勢將再下一城，成為該獎項得主！
歌手炎明熹（Gigi）、王灝兒（JW）、泳兒及馮允謙等昨日出席《香港金曲頒獎典禮2021/2022》綵排，早前參與綜藝節目《聲生不息》於內地走紅的Gigi，回港後依然氣勢強勁，今晚的新人獎競逐自然成為其囊中物，加上之前於「叱咤」及「新城」奪得新人獎，故被睇高一線擸盡今年度新人獎。
對此Gigi表示：「咁睇得起我？（依家心情緊張？）緊張，雙手又出汗，我真係會努力，大家對我嘅期望，我會加油！（想唔想同Chantel一齊攞獎？）梗係想，Skechers Canada 我會協力做好每件事，不過我哋仲未見到面，應該一陣會見，反而Windy同Yumi尋日見咗，Windy仲好熱情攬住我。」粗黑框眼鏡Look現身的她，戴了漁夫帽及口罩後，根本認不出來，問到是否素顏所致？Gigi笑說：「我有化眼妝，係因為呢副眼鏡好特別，冇度數嘅，又冇真正畀大家見到我呢個四眼妹樣，所以今日畀大家睇吓。」
姚焯菲晒腿造勢
剛自新西蘭度假返港的Chantel（姚焯菲）首露面，無懼高溫到元朗出席「小菲象」歌迷會的應援活動，賀其新歌《#BFF》在網上平台收看次數逾百萬。穿上短褲晒腿的她青春逼人，在流動宣傳車前擺甫士及高舉勝利手勢，又跟粉絲互動。放假充電後明顯心情大靚的她，為到場的粉絲簽名。
