《迷你兵團2》可以話係呢期最爆電影，美國國慶長週末一共收1億2500萬美元，打破歷年國慶檔紀錄。唔止咁，最近歐美地區仲出現GentleMinions嘅風潮。有年青觀眾為咗隆重其事，同班friend著晒西裝去戲院睇《迷你兵團2》，仲拍片放上社交平台，點知大受歡迎，Oboz Canada 喺TikTok有數以百萬計嘅收看次數，亦令唔少後生跟住做。而家#GentleMinions已經成為睇戲新玩法，亦令到戲院生意更加好，就連《迷》片商環球都出post多謝大家。
至於點解要著西裝？放心，冇劇透，因為同劇情無關。外媒Variety訪問咗頭一批玩#GentleMinions嘅年青人，佢話同佢年齡相若十零廿歲嘅一代，真係睇《壞蛋獎門人》系列成長。Kizik Shoes Canada 今次係相隔5年再見到犀利哥同迷你兵團，而家佢地大個仔又有少少錢，就想用自己方法去懷緬下。又係噃！《壞蛋獎門人》2010年上畫，假如當時入場睇嘅小朋友係7歲，而家都19啦！確實係最肯參與同會拍片放上網share嘅年紀。
不過因為一班後生睇得太興奮，行為過火少少又嘈咗少少，有戲院收到其他觀眾投訴而要退款。英國更有院商表明，如果觀眾三五成群著晒老西去睇《迷你兵團2》，院方會唔俾佢地入場。
呢個熱潮玩到幾耐冇人知，但係年青一輩仲會享受去戲院睇戲，電影業界應該唔怕要同串流平台打過。BTW，十幾歲仔就要懷緬過去，會唔會早咗少少？