「億萬千金」張寶兒（Bowie）近年除咗做《姊妹淘》及《學是學非》之外，大家都好少見到佢嘅演出，早前佢靜靜地轉行，拍住形象總監 Janae Chan、設計師何國鉦（Dorian）為一班《聲夢傳奇》參賽者擔任形象指導。不過熱愛時裝嘅張寶兒，不時被網民指佢衣著品味獨特，甚至釀成時裝車禍，日前佢同妹妹張寶欣穿皮草現身馬場，隨即引起網民熱烈討論。
日前張寶兒妹妹張寶欣穿皮草現身馬場，二人喺場內影咗唔少靚相，事後亦有上載到社交網站，隨即引起網民熱烈討論，有網民大讚二人靚女又有貴氣，同時亦有網民批評佢哋殘忍唔環保、老土，例如「點解著皮草？好老土！」、「香港氣候都穿皮草？？？跟本係有問題！！！」、「Dislike 你地著皮草」、「别穿動物皮草很不好的示範」、「真係求其著都好睇過佢！！！」、「反對皮草」及「這個年代還有人成件皮草披上身？」等等。
除咗今次嘅皮草之外，張寶兒過往都有唔少衣著打扮被指係時裝車禍，而家就同大家重溫一下：