天后楊千嬅前晚於一片是非中為首場演唱會揭開序幕，飽受壓力的她數度落淚，期間剖白內心世界，更稱「點解要扮冇事」，觀眾以如雷掌聲支持！
一連兩場《楊千嬅 B minor音樂會2022》前晚於亞博1號展館舉行首場演出，是千嬅第34場巡迴演唱會，雖然在是非聲下開騷，但其心情未受影響，狀態大勇的她於全場紫色螢光棒揮動下，先後換上5套紫色裙演繹多首歌曲。
千嬅一直以歌會友，直至唱完第10首歌後才開腔講話。她表示為了今次演出花了很多時間構思「說話」：「我應該講啲乜嘢，我亦都用咗好多時間諗吓有啲咩係唔講得。」之後她以鋼琴演繹名曲《再見二丁目》，透露為此苦練逾4個月，惟開始時彈錯音，她即重彈一次，全場觀眾跟着合唱。
3度Encore 超時完騷
千嬅演繹《一二三，三二一》時忍不住哭兼兩度拭淚，連歌也唱不下去。事後她解釋因開心及感動所致，自言性格硬頸，即使不快樂也不會哭，亦不想大家看見，擔心大家覺得她很廢，惟近年變得眼淺：「呢啲都係個仔教我，佢會問『媽咪你做乜唔開心』，佢見到我尋晚喺房喊，今朝對眼腫咗，我都有問自己點解要扮冇事，其實我可以為自己、可以唔開心喊。」對於今次演出，千嬅坦言很困難，故獲得大家掌聲，是她最風光的時刻，又指演唱會零贊助，特別鳴謝其音樂團隊。
她走近觀眾席時險被長裙絆倒，性格豪邁的她笑言：「跌死我，冇事嘅，跌低咗咪起番身囉！」她於Encore環節連續唱了4首歌後仍未夠喉，即席加唱《姊妹》，當欲宣布完場，觀眾仍不願離開，她笑言：「你哋行路返九龍？冇事，我孭！」接着再唱《飛女正傳》，結果音樂會於3度Encore下，至11時40分才完騷。
