現年51歲嘅中越混血「性感女神」鍾麗緹（Christy），近年選擇北上發展並於2016年與年輕12歲的內地男藝人張倫碩再婚，佢除咗會喺唔少綜藝節目亮相之外，仲不時喺網上直播平台上載影片及開直播，與網民分享生活點滴及教大家健身，不過近日有唔少網民批評佢健身時嘅衣服穿搭同老咗唔少。
鍾麗緹不時喺網上直播平台上載影片及開直播，分享生活點滴及教大家健身，佢每次都會著鮮色緊身衣服上陣，等大家可以睇清楚健身姿勢之外，仲可以盡顯其身材。不過日前（6月21日），鍾麗緹與兩名助理一齊健身，期間佢著上肉色緊身衫，不過由於衣服太緊身及出汗嘅關係，令到三角位置異常明顯，唔少網民都睇到好尷尬及認為唔雅觀，留言話：「褲子好尷尬三角區」及「能換個褲子嗎」等等。之後，工作人員睇到留言後就馬上遞上白色衫俾佢遮住敏感位置，而助理就話由於燈光太亮，擔心佢走光所以遮住。
另外，唔少網民留言批評佢健身時嘅衣服穿搭及老咗唔少，例如「老了」、「嚇X死人咩」、「我見到都尷尬」及「老人家了不要扭到腰」等等。