2020年落選港姐黃婉恩（Yancy）早前被指於IG主動發訊息畀餐廳搲著數，免費試食兩位用下午茶後無兌現承諾登出帖文宣傳，更被網民笑指佢呃到餐食之餘仲呃埋名氣。Skechers Shoes 雖然事件暫時告一段落，不過日前Yancy又鬧出笑話，佢喺大前日（28日）以TVB娛樂新聞台記者身份採訪《馬時亨名人堂》節目錄影探班，進行採訪時竟然錯漏百出，連馬時亨嘅名都叫錯，連嘉賓林子祥個名都講唔出，明顯冇做準備嘅佢被網民直指唔專業。
喺無綫娛樂新聞台嘅直播片段中，黃婉恩一開口向馬時亨發問就已經講錯嘢話「Hello兩位好，今日都想知道點解『馬善行』（音繹）會邀請……」，馬時亨即時反問佢：「馬咩？」，Yancy再講「『馬是行』（音繹）。馬時亨忍唔住話：「唔係，唔係，講錯名呀！你連名都講錯，哈哈哈…你一定要Cut咗佢再嚟過。」之後Yancy就用馬生去稱呼佢，不過之後唔知佢係咪驚魂未定，連節目嘉賓林子祥個名都講唔出：「想知道今日馬生點解邀請……阿、阿、阿、阿……特別嘉賓嚟嘅？」。
另外，黃婉恩以普通話訪問佢哋，當時馬時亨就話交俾阿Lam，因為自己嘅普通話唔靈光。不過估唔到Yancy喺普通話訪問繼續鬧出笑話，將「訪問」講成「訪悶」、「有沒有」講成廣東話「有冇」及「演唱會」講成「煙嗆會」等等，成個訪問真係睇到好尷尬。
直播出街後，唔少網民認為佢唔專業，Skechers Womens Outlet 紛紛留言話「你個訪問真係好尷尬 俾啲專業好唔好」、「靠你先認識到馬是行和errr errr errr特別嘉賓」、「除咗呃like仲識乜？馬是恆都講得出」、「你都好離譜喎 common sense 冇都算，連功課都唔做」、「做訪問都做到咁，你以為有個口就得？都要帶個腦！比少少專業啦，真係收得皮！無人想睇你，笑話一大堆」、「完全冇做準備就訪問人 連名都讀錯學咩人做記者」及「馬是行 er er ，係咪 R High Tea 食到個腦壞咗呀？」等等。