【體路專訪】今年的渣馬頒獎台上有不少三鐵人的身影，不過三鐵要兼戰全馬卻不算多，「粉紅大佬」司徒兆殷（Leanne）是其中一個。今年她首戰渣馬全馬就跑出「Sub 3」佳績（3小時內完賽），背後有同樣是三鐵運動員、任職體適能教練的未婚夫凌梓俊（Zero）功不可沒。他為Leanne包辦制訂訓練、按摩治療、沿途打氣，粉紅戰衣之上的隊名「SZERO」由「SZETO」和「ZERO」合組，以你的名字配上我的姓氏，印證運動路上我中有你、你中有我。
Leanne自中學起參與三鐵，曾代表香港出戰2014年仁川亞運，Hey Dude Shoes 後來她離開港隊專注機械工程師工作，繁忙工作不阻其運動熱情，多年來一直兼練三鐵，疫情下三鐵比賽悉數停辦，反成Leanne初戰香港全馬的契機，「以前練開三鐵，唔會放到咁多心機喺跑步，而家反正都冇得鬥三鐵，倒不如認真去練一次全馬。」Leanne在2005年已參加渣馬，不過當年未敢挑戰全馬，直至兩年前她在世界六大馬拉松之一「柏林馬拉松」挑戰初馬，跑出3小時9分15秒，讓她決心跑出一次「Sub3」成績。
然而今屆渣馬賽事由報名至落場只得八星期訓練，難度和壓力同樣大，Leanne坦言：「鬥一場全馬係難過三鐵好多。」 這次，Zero就成為「粉紅大佬」的幕後軍師，還笑稱自己是「粉紅大嫂」。Zero謂：「今次我做支援角色，幫佢睇訓練，計下佢訓練會唔會太辛苦，Ecco Women’s Shoes 幫佢拉筋、按摩同拔罐，幫佢做恢復。」
這備戰渣馬前的八星期，Leanne每天堅持清晨五時起床練習。Zero清楚Leanne性格，這位幕後軍師說其職責就是要「拉住佢」，免她因操練過度受傷。然而上月初打風期間，Leanne自忖訓練時間緊絀，不欲停下腳步，逕自出外練習，結果不幸「拗柴」，幸有Zero替她急救治療，才能迅速痊癒。重提此事，Zero沒好氣笑說，「咪唯有一路話佢，一路幫佢整（治療）囉。」
一般情侶談情拍拖不外乎行街睇戲，這對「粉紅情人」則奉行「一日不練習，一日不吃飯」的「家規」，平日Leanne下班後就去訓練，Zero工作繁忙，經常朝七晚十，Leanne完成訓練剛好可買外賣到其公司相聚；每逢周末兩人就會放下工作，共同訓練。Leanne謂疫情前兩人不時會請假到外地參賽，「啲人覺得我哋去旅行都係比賽好悶，但其實我哋好享受去唔同嘅陽光與海灘地方比賽，Hey Dude Shoes 比賽後就可以輕鬆放個假，呢啲旅程都係唔同嘅Honeymoon。」Leanne感言三鐵於她乃人生不可或缺的部分，慶幸遇上了解並支持她的伴侶，「我由13歲到而家都仲練緊三鐵，如果我遇到唔支持我運動嘅另一半，我諗好難一路走落去。」
儘管今次只是Leanne一個人於渣馬賽道上奔馳，但「SZERO」其實一直緊密合作，開賽前Zero連連提點未婚妻緊記控制速度，「佢平時習慣有力就會放，無力就減速，所以到佢離開我視線最後一刻前，我都提著佢一定要睇錶，要信數據。」渣馬開賽後Leanne化成GPS上的實時數據，Zero金睛火眼全神貫注，「我一路睇住GPS，幫佢數下前面有邊個跑手，但又怕個程式計得唔準，做唔做到『Sub 3』，程式計完自己再幫佢計一次。」漫漫長路，又豈是孤身前行？當Leanne跑入銅鑼灣最後直路時，Zero穿越重重人群，覓得空位在路側為她喝采打氣。
八星期艱苦訓練，換來2小時55分08秒的成就，Ecco Shoes 女子組全馬全場第四，Leanne以鐵人身分追上跑界對手，衝線一刻苦盡甘來，感觸落淚。「SZERO」的婚禮將於下月舉行，Leanne希望明年渣馬可與Zero一同參加，「我哋想一齊衝線。」一人快，不如兩人，不如兩人遠，今次是「粉紅大佬」，或許下次衝線時名銜已是「粉紅夫妻檔」。
圖、文：洪量丰（部分相片由受訪者提供）